പയ്യാനക്കലിൽ മദ്രസ വിദ്യാർഥിയെ തട്ടി കൊണ്ടുപോകാൻ ശ്രമം. കാസർകോട് പരപ്പ സ്വദേശി സിനാൻ അലി യൂസഫ് എന്നയാളാണ് തട്ടിക്കൊണ്ടു പോകാൻ ശ്രമിച്ചത്. ഇയാളെ നാട്ടുകാർ തടഞ്ഞുവെച്ചു. പന്നിയങ്കര പോലീസ് സ്ഥലത്തെത്തി സിനാനെ കസ്റ്റഡിയിലെടുത്തിട്ടുണ്ട്. യുവാവിനെ വിശദമായി ചോദ്യം ചെയ്തു വരികയാണെന്ന്പൊലീസ്അറിയിച്ചു.കോഴിക്കോട്ബീച്ച്ആശുപത്രിക്ക് സമീപത്തെ ടാക്സി സ്റ്റാൻഡിൽനിന്ന്മോഷ്ടിച്ച കാറിലാണ് കുട്ടിയെ തട്ടിക്കൊണ്ടുപോകാൻ ശ്രമിച്ചത്.ഇയാളെനാട്ടുകാർ പിടികൂടി പൊലീസിൽ ഏൽപ്പിച്ചു.

കയറാടി മാങ്കുറിശിയിൽ കൊച്ചുപറമ്പിൽ കെ.എം. മാത്യു (പാപ്പച്ചൻ 96) അന്തരിച്ചു. സംസ്കാരം ഇന്ന് വൈകീട്ട് നാലിന് മാങ്കുറിശി സെൻ്റ് പീറ്റേഴ്സ് പള്ളിയിൽ. ഭാര്യ: പാല തോണക്കര കുടുംബാംഗം പരേതയായ അന്നക്കുട്ടി. മക്കൾ: ഫാ. ജോസ് കൊച്ചുപറമ്പിൽ (വികാരി, സെൻ്റ് മേരീസ് ചർച്ച്, ചിറ്റടി ), ജോയ്, മേരി, സെബാസ്റ്റ്യൻ, സഖറിയാസ്. മരുമക്കൾ: ബീനാമ്മ മലേകണ്ടത്തിൽ, മാത്യു കണ്ടത്തിൽ, സിസിലി കല്ലുവേലിൽ, ടെസി കല്ലേലിൽ (റിട്ട. അധ്യാപിക).

നവരാത്രി ഉത്സവത്തിന് മാറ്റുകൂട്ടാൻ ചെണ്ടുമല്ലി പൂക്കളും കൃഷിയൊരുക്കിയിരിക്കുകയാണ് നെന്മാറ, ചാത്തമംഗലം പാണ്ടാൻങ്ങോട്ടെ വീട്ടിൽ കെ. ചന്ദ്രൻ. ഓണവിപണിക്കു പിന്നാലെ നവരാത്രിക്കും വിളവെടുക്കാൻ പാകത്തിലാണ് കൃഷിയിറക്കിയത്. ഇതിനാവശ്യമായ ഹൈബ്രിഡ് തൈകൾ ബാംഗ്ളൂരിൽ നിന്നാണ് കൊണ്ടുവന്നത്. നെന്മാറ കൃഷിഭവന്റെയും സ്റ്റേറ്റ് ഹോർട്ടികൾച്ചറൽ മിഷൻറെയും പിന്തുണയോ വിളവെടുപ്പ് ഉദ്ഘാടനം നെന്മാറ കൃഷി ഓഫീസർ വി.അരുണിമ നിർവ്വഹിച്ചു. അസിസ്റ്റൻറ് കൃഷി ഓഫീസർ സന്തോഷ്, കൃഷി അസിസ്റ്റൻറ് വി. ലിഗിത, എസ് രമ്യ, പി.കനകാവതി, കെ.ചന്ദ്രൻ എന്നിവർ പങ്കെടുത്തു.

സിപിഐഎം സംസ്ഥാന സെക്രട്ടറിയും മുൻആഭ്യന്തരമന്ത്രിയുമായിരുന്ന കോടിയേരി ബാലകൃഷ്ണന്റെ മൂന്നാം ചരമ വാർഷിക ദിനം ഇന്ന്. കണ്ണൂർ പയ്യാമ്പലത്തും കോടിയേരിയിലെ വീട്ടിലും ഉൾപ്പെടെ അനുസ്മരണ പരിപാടികൾ നടക്കും. തലശ്ശേരിയിൽ മുഖ്യമന്ത്രി അനുസ്മരണ യോഗം ഉദ്‌ഘാടനം ചെയ്യും. പ്രത്യയശാസ്ത്ര കാർക്കശ്യം. പ്രായോഗിക രാഷ്ട്രീയ ചാതുരി. രണ്ടും സമാസമം ഉൾച്ചേർന്ന രാഷ്ട്രീയനേതാവായിരുന്നു കോടിയേരി ബാലകൃഷ്ണൻ.നിറചിരിയാൽ പിരിമുറക്കം നിറഞ്ഞ രാഷ്ട്രീയ അന്തരീക്ഷത്തെപ്പോലും ലഘുവാക്കും.എതിരാളികളുടേയും സ്നേഹാദരങ്ങൾ നേടിയെടുക്കും. പാർട്ടി പ്രതിസന്ധിയിലായപ്പോഴൊക്കെ രക്ഷാദൗത്യവുമായി മുന്നിൽനിന്നു. കുടുംബത്തിന്എതിരേ ആരോപണം ഉയർന്നപ്പോൾ സെക്രട്ടറി സ്ഥാനം പോലും ത്യജിച്ചു. അങ്ങനെയും […]

‌സ്റ്റോക്ക് എണ്ണുന്നതുമായി ബന്ധപ്പെട്ട സമയക്രമീകരണത്തിന്റെ ഭാഗമായി സംസ്ഥാനത്ത് ഇന്ന് വൈകുന്നേരം ഏഴ് മണിക്ക് എല്ലാ ബെവ്കോ ഔട്ട്ലെറ്റുകളും അടയ്ക്കും. ബാറുകൾക്ക് ഇന്ന് രാത്രി 11മണിവരെ പ്രവർത്തിക്കാം. നാളെ ഒന്നാം തീയതിയിലും ഒക്ടോബർ രണ്ടിന് ഗാന്ധി ജയന്തിയിലും അവധിയും ആയിരിക്കും. അതായത് അടുത്ത രണ്ട് ദിവസങ്ങൾ സമ്പൂർണ ഡ്രൈ ഡേ ആയിരിക്കുമെന്ന് സാരം. ഈ 2 ദിവസവും ബാറുകളും ബെവ്കോ ഔട്ട്ലെറ്റുകളും അവധിയായിരിക്കും.

സെപ്‌തംബർ 30 മുതൽ ഒക്‌ടോബർ രണ്ട് വരെ അടുപ്പിച്ച് മൂന്ന് ദിവസം കേരളത്തിലെ ബാങ്കുകൾ അടഞ്ഞുകിടക്കും. സെപ്‌തംബർ 30 – ദുർഗാഷ്‌ടമി, ഒക്‌ടോബ‌ർ ഒന്ന് – മഹാനവമി, ഒക്‌ടോബർ രണ്ട് – ഗാന്ധി ജയന്തി എന്നിങ്ങനെയാണ് അവധികൾ. അതിനാൽ അടിയന്തര ആവശ്യങ്ങൾക്കായി നേരത്തേ തന്നെ പണമെടുത്ത് സൂക്ഷിക്കുക.