By ജോജി തോമസ്
കേരളത്തിൽ നിയമസഭാ തെരഞ്ഞെടുപ്പ് ഏപ്രിൽ രണ്ടാം വാരം നടന്നേക്കും. മാർച്ച് ആദ്യവാരം നിയമസഭാ തെരഞ്ഞെടുപ്പ് വിജ്ഞാപനം വരും. നിയമസഭാ തെരഞ്ഞെടുപ്പു നടക്കുന്ന അഞ്ചു സംസ്ഥാനങ്ങളിലെ മുഖ്യ തെരഞ്ഞെടുപ്പ് ഓഫീസർമാരുടെയും സംസ്ഥാന പോലീസ് മേധാവിമാരുടെയും യോഗം കേന്ദ്ര തെരഞ്ഞെടുപ്പ് കമ്മീഷൻ നാളെ ഡൽഹിയിൽ വിളിച്ചിട്ടുണ്ട്.
By ജോജി തോമസ്
വാളയാറിലും വേലന്താവളത്തും പുതിയ ചെക്പോസ്റ്റുകൾ സ്ഥാപിച്ച് കോയമ്പത്തൂർ പോലീസ്. ഹൈവേ കവർച്ചയും കുഴൽപ്പണക്കടത്തും കൂടിയ സാഹചര്യത്തിലാണ് പുതിയ ചെക്പോസ്റ്റുകൾ സ്ഥാപിച്ചത്. ചെക്പോസ്റ്റിൻ്റെ ഉദ്ഘാടനം ജില്ലാപോലീസ് മേധാവി കെ. കാർത്തികേയൻ നിർവഹിച്ചു. കോയമ്പത്തൂർ-പാലക്കാട് ദേശീയപാതയിൽ വാഹനപ്പെരുപ്പം കൂടിയതിനാൽ പരിശോധന ശക്തമാക്കേണ്ടതുണ്ടെന്ന് എസ്പി പറഞ്ഞു.
By ജോജി തോമസ്
പുതുവർഷാഘോഷം മറയാക്കി ഓൺലൈൻ തട്ടിപ്പുകൾ വ്യാപകം. വാട്സ്ആപ്പിലേക്ക് വ്യാജ സ്ക്രാച്ച് കാർഡ് ലിങ്കുകൾ അയച്ചുകൊടുത്ത് ആളുകളിൽ നിന്ന് പണം തട്ടുകയാണ് സൈബർ തട്ടിപ്പ് സംഘങ്ങൾ. ഇത്തരം ന്യൂ ഇയർ ഗിഫ്റ്റ് സ്ക്രാച്ച് കാർഡുകളിൽ ക്ലിക്ക് ചെയ്യരുതെന്ന് കേരള പൊലീസ് പൊതുജനങ്ങളോട് അഭ്യർഥിച്ചു. ആളുകളിൽ വിശ്വാസ്യത തോന്നിക്കാൻ ‘പ്രധാനമന്ത്രി ന്യൂ ഇയർ ഗിഫ്റ്റ് സ്ക്രാച്ച് കാർഡ്’ എന്ന പേരിലാണ് പ്രധാനമായും തട്ടിപ്പ് സംഘങ്ങൾ ലിങ്കുകൾ വാട്സ്ആപ്പ് ഉപയോക്താക്കൾക്ക് അയക്കുന്നത്.
By ജോജി തോമസ്
ഉപയോഗിച്ച ശേഷം കുപ്പി തിരികെ നല്കിയാൽ പണം ലഭി ക്കുന്ന പദ്ധതി ഇന്നു മുതൽ സംസ്ഥാന വ്യാപകമായി നടപ്പിലാക്കാൻ ബെവ്കോ. കേരളത്തിലെ എല്ലാ ബെവ്കോ, കണ്സ്യൂമർഫെഡ് ഔട്ട്ലെറ്റുകളിലും പ്ലാസ്റ്റിക് കുപ്പി തിരികെ നല്കിയാല് ഇനിമുതല് 20 രൂപ ലഭിക്കും. നേരത്തെ രണ്ട് ജില്ലകളിലെ ചില ഔട്ട്ലെറ്റുകളില് നടപ്പിലാക്കിയ പദ്ധതി വിജയിച്ചതോടെയാണ് സംസ്ഥാനം മൊത്തം നടപ്പിലാക്കുന്നത്.
By ജോജി തോമസ്