കണ്ടാൽ ഉടൻ 112 എന്ന നമ്പറിൽഇവ വിവരം അറിയിക്കാനാണ് നിർദേശം.ഈകാർഗോകൾ തീരത്തടിഞ്ഞാൽ ഉടൻ പൊലീസിനെയോ അധികൃതരെയോ വിവരമറിയിക്കാൻ നിർദേശമുണ്ട്. കൊച്ചി തീരത്തിന് സമീപം ആയാണ് സംഭവം. കണ്ടെയ്നറുകൾ തെന്നിയാണ് കടലിൽ വീണത്. കടൽ തീരത്ത് എണ്ണപ്പാടങ്ങൾ ഉണ്ടാക്കാൻ സാധ്യതയുണ്ട്.

മോട്ടർ വാഹനവകുപ്പിന് ഇനി മുതൽ ഔദ്യോഗിക പതാക. യൂണിഫോം സേനയായിട്ടും മോട്ടർ വാഹനവകുപ്പിന് ഇതുവരെ ഔദ്യോഗിക പതാക ഉണ്ടായിരുന്നില്ല. ഗതാഗത കമ്മീഷണറുടെ ശുപാർശ സർക്കാർ അംഗീകരിച്ചു. ചുമപ്പും മഞ്ഞയും വെള്ളയും നിറത്തിൽ എംവിഡി എന്ന് ആലേഖനം ചെയ്തതാണ് പതാക. മോട്ടർ വാഹനവകുപ്പിന്റെ വാഹനങ്ങളിൽ പതാക വയ്ക്കാൻ പാടില്ല! ഓഫിസിൽ ഉപയോഗിക്കാം. വകുപ്പിന്റെ ആഘോഷങ്ങൾക്ക് പതാക ഉയർത്താം. മോട്ടർ വാഹനവകുപ്പിന് സ്വന്തമായി പതാകയും ആഘോഷിക്കാൻ ഒരു ദിനവും വരുന്നു. ജൂൺ 1 ഇനി മുതൽ വകുപ്പുദിനമായി ആഘോഷിക്കും.

നെന്മാറ പഞ്ചായത്തിലെ കണിമംഗലം, വീനസ്, കണിമംഗലം ഗ്രാമം, കൽമുക്ക്, പുഴക്കൽ തറ, കൈപ്പഞ്ചേരി ഭാഗങ്ങളിൽ കുടിവെള്ള വിതരണം മുടങ്ങി. നെന്മാറ ഒലിപ്പാറ റോഡ് നവീകരണത്തിന്റെ ഭാഗമായി കണിമംഗലം, വീനസ് ജംഗ്ഷൻ എന്നീ രണ്ടു സ്ഥലങ്ങളിൽ റോഡിന്റെ കയറ്റം കുറയ്ക്കാൻ റോഡിന്റെ ഉപരിതലം നിലവിലെ റോഡ് നിരപ്പിൽ നിന്ന് രണ്ടടി മുതൽ ഒന്നര മീറ്റർ വരെ മണ്ണുമാറ്റി താഴ്ത്തിയതോടെയാണ് നിലവിലുള്ള കുഴലുകൾ റോഡ് നിരപ്പിന് മുകളിൽ എത്തുകയും പൈപ്പുകൾ പൊട്ടുകയും ചെയ്തത്. ഇതോടെയാണ് പ്രദേശത്തെ കുടിവെള്ള വിതരണവും തടസ്സപ്പെട്ടു. […]

ജോജി തോമസ് കണ്ണൂരിലെ പിണറായിയില്‍ ഒരു സാധാരണ കുടുംബത്തില്‍ ജനിച്ച്, വിദ്യാര്‍ഥി രാഷ്ട്രീയത്തിലൂടെ പൊതുരംഗത്തേക്ക് കടന്നുവന്ന പിണറായി വിജയന്റെ ഔദ്യോഗിക രേഖകൾ പ്രകാരം 1945 മാർച്ച് 21നാണ് പിണറായി വിജയന്‍റെ പിറന്നാൾ. എന്നാൽ യഥാർത്ഥ ജന്മദിനം 1945 മെയ് 24 എന്ന് പിണറായി വിജയൻ തന്നെയായിരുന്നു അറിയിച്ചത്.  രണ്ടാം പിണറായി സര്‍ക്കാരിന്റെ നാലാം വാര്‍ഷികാഘോഷ പരിപാടികള്‍ക്ക് ഇന്നലെയാണ് സമാപനമായത്.

നെല്ലിയാമ്പതി പോബ്സ് സീതാർകുണ്ട് എസ്റ്റേറ്റിലെ ഡയറി പാടിയിലെ ആൾതാമസം ഇല്ലാത്ത വീടിനെയാണ് കാട്ടാന തകർത്തത്. വീട്ടിലെ ജനലുകളും വാതിലുകളും തകർത്ത് തള്ളി താഴെയിട്ടു. ഏതാനും മാസങ്ങൾ മുമ്പ് വരെ ഈ പാടിയിൽ ആൾ താമസം ഉണ്ടായിരുന്നു. സമീപത്തെ പ്ലാവിലെ ചക്ക തേടിയെത്തിയ കാട്ടാനയാണ് പാടിയും ഭാഗികമായി തകർത്തതെന്ന് ഡയറി പാടിയിൽ താമസിക്കുന്ന തൊഴിലാളികൾ പറഞ്ഞു. വർഷകാലത്തും ചക്ക സീസണിലും കാട്ടാനകൾ പ്രദേശത്ത് വരാറുണ്ടെങ്കിലും ചക്കയോ ഫലവൃക്ഷങ്ങളിലെ കായകളോ ഭക്ഷിച്ച് വീടുകളെ ആക്രമിക്കാതെ പോവുകയാണ് പതിവ്. പാടികളുടെ ജനലും […]

ഇന്ത്യ-പാകിസ്ഥാന്‍ സംഘര്‍ഷത്തിന് പിന്നാലെ രാജസ്ഥാനിലെ ജയ്പൂരിലെ കടകള്‍ പ്രശസ്തമായ ‘മൈസൂര്‍ പാക്ക്’ ഉള്‍പ്പെടെ വിവിധ മധുര പലഹാരങ്ങളുടെ പേര് മാറ്റി. എല്ലാ മധുര പലഹാരങ്ങളുടെയും പേരുകളില്‍ നിന്ന് ‘പാക്ക്’ എന്ന വാക്ക് നീക്കം ചെയ്ത് ‘ശ്രീ’ എന്ന് ചേര്‍ത്തതായി വ്യാപാരികള്‍ പറഞ്ഞു.