നെന്മാറ- നെല്ലിയാമ്പതി റോഡിൽ കാട്ടാന റോഡിൽ കേറി നിലയുറപ്പിച്ചതിനെ തുടർന്ന് വാഹന ഗതാഗതം തടസപ്പെട്ടു. ബുധനാഴ്ച വൈകുന്നേരം പതിനാലാം മൈലിനു സമീപമാണ് ഒറ്റയാൻ അരമണിക്കൂർ നേരം റോഡിൽ തടസം ഉണ്ടാക്കിയത്. കുറച്ചു കഴിഞ്ഞു ആന റോഡിന്റെ സൈഡിലേക്കു മാറിയ ശേഷമാണ് വാഹനങ്ങൾ കടന്നു പോയത്. ആനയെ കണ്ടു നിർത്തിയിട്ട ബസ്സിനരികിലൂടെ ആന പോയപ്പോൾ ബസ്സിലെ യാത്രക്കാർ പേടിച്ചെങ്കിലും ആന അക്രമിക്കാതെ പോകുകയായിരുന്നു.

രണ്ടുവർഷമായിട്ടും നവീകരണ പ്രവർത്തികൾ മുടങ്ങിക്കിടക്കുന്ന നെന്മാറ – ഒലിപ്പാറ റോഡിൻ്റെ പണിക്കായി എത്തിച്ച യന്ത്രസാമഗ്രികൾ കടത്തിക്കൊണ്ടു പോകാൻ കോൺട്രാക്ടറുടെ നീക്കം ആക്ഷൻ കമ്മിറ്റി തടഞ്ഞു. നെന്മാറ ഒലിപ്പാറ റോഡിൽ നവീകരണത്തിന്റെ പേരിൽ രണ്ടുവർഷമായി റോഡ് പൊളിച്ചിടുകയും പകരം സംവിധാനം ഉണ്ടാക്കുകയോ യാത്രാദുരിതത്തിന് പരിഹാരം കാണുകയോ ചെയ്യാതിരിക്കുന്നതിനിടയാണ് ഇവിടുത്തെ പണി നിർത്തിവെച്ച് ഇടുക്കിയിലെ പണി ആരംഭിക്കാൻ യന്ത്രസാമഗ്രികൾ കടത്തിക്കൊണ്ടുപോകാൻ ശ്രമിച്ചത്. നെന്മാറ ഒലിപ്പാറ റോഡിന്റെ പണി ദുരിതഗതിയിൽ ആക്കണം എന്ന് ആവശ്യപ്പെട്ട് പ്രദേശവാസികൾ ആക്ഷൻ കമ്മിറ്റി രൂപീകരിച്ച സമരം […]

അടിപ്പെരണ്ടയിൽ നിന്നും ഒഴുക്കിൽപ്പെട്ട് കാണാതായ ഉമ്മർ ഫാറൂഖിന്റെ മൃതദേഹം കണ്ടെത്തി. വീഴ്ലി പാലത്തിന്റെ അടിയിൽ നിന്നാണ് കണ്ടെത്തിയത്. കഴിഞ്ഞ ശനിയാഴ്ചയാണ് അടിപ്പെരണ്ട മണ്ണാംകുളമ്പ് എ. ഉമ്മർ ഫാറൂഖി (45)നെ കാണാതായത്. തുടർന്ന് ഇത്രയും ദിവസം നാട്ടുകാരുടെയും, ഫയർഫോഴ്സിന്റെ നേതൃത്വത്തിൽ പുഴയുടെ പല ഭാഗങ്ങളിലും തിരച്ചിൽ നടത്തിയിരുന്നു. ഒടുവിൽ ഇന്ന് രാവിലെയാണ് വീഴ്ലി പാലത്തിന്റെ അടിയിൽ നിന്ന് മൃതദേഹം കണ്ടെത്തിയത്.

മനുഷ്യമനസിനെ ഒന്നാകെ പിടിച്ചുകുലുക്കിയ ചൂരൽമല – മുണ്ടക്കൈ ഉരുൾപൊട്ടലിന് ഇന്ന് ഒരു വര്‍ഷം തികയുന്നു. ഇതിന്റെ ഭാ​ഗമായി സംസ്ഥാനത്ത് ഇന്ന് സ്കൂളുകളിൽ ഒരു മിനിറ്റ്മൗനം ആചരിക്കും. ഇന്ന് രാവിലെ പത്ത് മണിക്ക് ഒരു മിനിറ്റ് മൗനം ആചരിക്കാൻ പൊതുവിദ്യാഭ്യാസവകുപ്പ് നിർദേശം നൽകി.