ഇന്ത്യൻ ഡെന്റൽ അസോസിയേഷൻ പാലക്കാട് ശാഖയും മേലാർകോട് ഫൊറോന മാതൃവേദിയും സംയുക്തമായി നടത്തുന്ന ദന്ത ചികിത്സ ക്യാമ്പ് ഇന്ന് നെന്മാറ ക്രിസ്തുരാജ ദേവാലയ പാരിഷ് ഹാളിൽ നടക്കും. രാവിലെ 9 മുതൽ ഉച്ചയ്ക്ക് 12 വരെ നടത്തുന്ന ക്യാമ്പിൽ വിദഗ്ധ ഡോക്ടർമാർ പങ്കെടുക്കും.

പാലിയേക്കരയിൽ ടോൾ പിരിവ് പുനരാരംഭിക്കാൻ ഹൈക്കോടതി ഉപാധികളോടെ അനുമതി നൽകി. തിങ്കളാഴ്ച മുതൽ ടോൾ പിരിക്കാമെന്നാണ് ഹൈക്കോടതി അറിയിച്ചത്. ഇതുമായി ബന്ധപ്പെട്ട ഉത്തരവ് തിങ്കളാഴ്ച്ച പുറപ്പെടുവിക്കും.പ്രദേശത്തെ ഗതാഗത പ്രശ്നങ്ങൾ പരിഹരിച്ചെന്ന് തൃശൂർ ജില്ലാ കളക്ടർ കോടതിയെ അറിയിച്ചു.

പള്ളുരുത്തി ട്രാഫിക് പൊലീസ് സ്റ്റേഷനിലെ ഒരു ഉദ്യോഗസ്ഥന്റെ വിരമിക്കല്‍ ചടങ്ങിന്റെ ഭാഗമായി ജീവനക്കാര്‍ക്ക് ഉച്ചഭക്ഷണമായി ബിരിയാണി ഒരുക്കിയിരുന്നു. ഹോം ഗാര്‍ഡുകളായ ചേര്‍ത്തല സ്വദേശികളായ ജോര്‍ജ്, രാധാകൃഷ്ണന്‍ എന്നിവരാണ് തമ്മില്‍ തല്ലിയതെന്നാണ് വിവരം. ഇവര് തമ്മില്‍ ഡ്യൂട്ടിയുടെ പേരില്‍ നേരത്തേ പൂര്‍വവൈരാഗ്യമുള്ളതായും പറയുന്നു. ജോര്‍ജും രാധാകൃഷ്ണനും ബിരിയാണി കഴിക്കാന്‍ എത്തി. ഒരാള്‍ ചിക്കന്‍ കഷ്ണങ്ങള്‍ അധികമായി എടുത്തപ്പോള്‍ അടുത്തയാള്‍ക്ക് കുറച്ചാണ് കിട്ടിയത്. ഇതേചൊല്ലി ഇരുവരും തമ്മില്‍ തര്‍ക്കത്തിലേര്‍പ്പെടുകയും അത്കൈയാങ്കളിയില്‍ കലാശിക്കുകയുമായിരുന്നു.രാധാകൃഷ്ണന് തലയ്ക്ക് പരിക്കേറ്റു. ഇദ്ദേഹത്തെ എറണാകുളം ജനറല്‍ ആശുപത്രിയില്‍ […]

നെല്ലിയാമ്പതി നൂറടിയിൽ ക്ഷീരകർഷകനായ ചിന്നത്തമ്പി എന്ന രാധാകൃഷ്ണന്റെ പശുക്കുട്ടിയാണ് പുലി ആക്രമിച്ചത്. കയറിൽ പശു കെട്ടിയിട്ടതിനാൽ പശുക്കുട്ടിയെ പുലിക്ക് കൊണ്ടുപോകാൻ കഴിഞ്ഞില്ല. മുറിവുപറ്റിയ പശുക്കുട്ടിയെ വീട്ടുകാരുടെ ശബ്ദം കേട്ട് പുലി ഉപേക്ഷിച്ച് ഓടുകയായിരുന്നു. വിവരമറിഞ്ഞ് കൈകാട്ടിയിൽ നിന്നും വനംജീവനക്കാർ സ്ഥലത്തെത്തി പരിശോധിച്ചു. ആഴത്തിൽ മുറിവ് പറ്റി ഗുരുതര പരിക്കേറ്റ പശുക്കുട്ടി അപകടനില തരണം ചെയ്തിട്ടില്ല. രണ്ടുവർഷം മുമ്പ് രാധാകൃഷ്ണന്റെ മറ്റൊരു പശുവിനെ പുലി പിടിച്ചു കൊന്നെങ്കിലും വനം വകുപ്പിൽ നിന്ന് നഷ്ടപരിഹാരം ഒന്നും കിട്ടിയില്ലെന്നും രാധാകൃഷ്ണൻ പരാതി […]

മാഹിയിലെ ശ്രീലക്ഷ്മി ജ്വല്ലറിയിൽ കഴിഞ്ഞ ദിവസമാണ് മോഷണം നടന്നത്. ദൃശ്യങ്ങൾ സിസിടിവി ക്യാമറയിൽ പതിഞ്ഞിരുന്നു. അഴിയൂരിലെ കോട്ടർസിൽ നിന്നാണ് യുവതിയെ പിടികൂടിയത്. ക ജ്വല്ലറിയിൽ വിറ്റ കളവ് മുതൽ കണ്ടെടുത്തു.

പാലക്കാട് ചിറ്റൂരിൽ  ഓണം മുന്നിൽക്കണ്ട് ചെണ്ടുമല്ലി കൃഷി ചെയ്‌തവർക്ക്‌ കാലം തെറ്റി മഴ പെയ്തതുമൂലം ഒരു കിലോ പൂവുപോലും വിൽക്കാനായില്ല. ചെടി നട്ട് ഒരാഴ്ച കഴിഞ്ഞപ്പോൾ തോരാതെ പെയ്‌ത മഴയിൽ ചെടികളുടെ വളർച്ച മുരടിച്ചു. സമയത്തിന് വളം നൽകാനും കഴിഞ്ഞില്ല. ഓണസീസൺ കഴിഞ്ഞപ്പോൾ ചെടികൾ പൂത്തു. ഓണത്തിന് കിലോയ്ക്ക് 250 രൂപവരെയുണ്ടായിരുന്ന വില ഇപ്പോൾ 35 മുതൽ 40 രൂപ വരെയായി. പൂ ആവശ്യപ്പെട്ട് ആരും വരുന്നുമില്ല. മാർക്കറ്റിൽ കൊണ്ടുപോയി വ്യാപാരികൾ പറഞ്ഞ വിലയ്ക്ക് കൊടുക്കുകയാണ് ഇപ്പോൾ […]