പുലിയമ്പാറ ഗവ. ഓറഞ്ച് ഫാം പരിസരത്തുകൂടെ കുന്നത്തുപാടി ഭാഗത്തേക്ക് പോകുന്ന വൈദ്യുത ലൈനിന് മുകളിലാണ് രാവിലെ പത്തരയോടെ വലിയ മരം വീണ് ലൈനുകൾ പൊട്ടി വൈദ്യുതി വിതരണം തടസ്സപ്പെട്ടത്. പ്രധാന വൈദ്യുതി വിതരണ ലൈനായതിനാൽ പുലിയമ്പാറ ടൗൺ, കുന്നത്തുപാടി, ഗവ. ഓറഞ്ച് ഫാം തുടങ്ങിയ പ്രദേശങ്ങളിൽ വൈദ്യുതി വിതരണം തടസ്സപ്പെട്ടു. സന്നദ്ധ പ്രവർത്തകനായ പി. ഒ. ജോസഫും, വൈദ്യുതി ബോർഡ് ജീവനക്കാരും ചേർന്ന് മരം വെട്ടിമാറ്റിയാണ് വൈദ്യുതി ബന്ധം പുനസ്ഥാപിക്കാൻ കഴിഞ്ഞത്.