ബാങ്ക് ജീവനക്കാരിയെ ഭർത്താവ് ഓഫീസിൽ കയറി വെട്ടിപ്പരിക്കേല്‍പ്പിച്ചു. കണ്ണൂർ തളിപ്പറമ്പ് പൂവം എസ്ബിഐ ശാഖയിലെ ജീവനക്കാരി അനുപമക്കാണ് ഗുരുതരമായി പരിക്കേറ്റത്. ഭർത്താവ് അനുരൂപ് അറസ്റ്റിലായി.
ബാങ്കില്‍ കയറിയാണ് പ്രതി ഭാര്യയെ വെട്ടിയത്. ഇന്ന് വൈകിട്ട് മൂന്നരയോടെയാണ് സംഭവം.ബാങ്കിലെത്തിയ അനുരൂപ് ഭാര്യയെ വിളിച്ച്‌ പുറത്തേക്കിറക്കി. വാക്കുതർക്കത്തിനിടയില്‍ കയ്യില്‍ കരുതിയ കൊടുവാള്‍ ഉപയോഗിച്ച്‌വെട്ടുകയായിരുന്നു. പ്രാണരക്ഷാർത്ഥം യുവതി ബാങ്കിലേക്ക് ഓടി കയറുകയായിരുന്നു.
