ഒലിപ്പാറ വി.പത്താം പിയൂസ് പള്ളിയിലെ വി.പിയൂസിന്റെയും, പരി.കന്യകമറിയത്തിന്റെയും, വി.സെബസ്ത്യാനോസിന്റെയും സംയുക്ത തിരുനാളും ഇടവക ദിനാചരണവും ഇന്ന് നടക്കും. തിരുനാളിന്റെ ഭാഗമായി ഇടവക വികാരി ഫാ. ജോണ്‍സണ്‍ കണ്ണാമ്പടത്തിലിന്റെ കാര്‍മികത്വത്തില്‍ കഴിഞ്ഞദിവസം കൊടിയേറ്റിയിരുന്നു. പ്രധാന
തിരുനാള് ദിനമായ ഇന്ന് ആഘോഷമായ തിരുനാള് കുര്‍ബാനയ്ക്ക് പാലക്കാട് രൂപത ബിഷപ്പ് പീറ്റര്‍ കൊച്ചുപുരയ്ക്കല്‍ കാര്‍മികത്വം വഹിച്ചു. വൈകീട്ട് 5.30 ന് നടക്കുന്ന ഇടവക ദിനാഘോഷം മംഗലംഡാം ഫെറോന വികാരി ഫാ. സുമേഷ് നാല്‍പതാംകളം ഉദ്ഘാടനം ചെയ്യും. തുടര്‍ന്ന് ഇടവകാംഗങ്ങളുടെ കലാപരിപാടികളും, നാടകവും നടക്കും. നാളെ കാലത്ത് മരിച്ചവരുടെ ഓര്‍മദിനത്തിന്റെ ഭാഗമായി കുര്‍ബാനയും, ഒപ്പീസും നടക്കുന്നതോടെ തിരുനാള് സമാപനമാകും.