വിവാദത്തില്‍ പെട്ടതിനു ശേഷം ആദ്യമായി റാപ്പര്‍ വേടന്‍ നാളെ പൊതുവേദിയില്‍ സംഗീത പരിപാടി അവതരിപ്പിക്കും. സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് ഇടുക്കിയില്‍ നടക്കുന്ന എന്റെ കേരളം പരിപാടിയിലാണ് വേടന്റെ സംഗീത പരിപാടി അരങ്ങേറുന്നത്.നാളെ വൈകിട്ടാണ് വേടന്റെ റാപ്പ് ഷോ. വേടന്‍ എന്നറിയപ്പെടുന്ന ഹിരണ്‍ദാസ് മുരളിയുടെ എറണാകുളത്തെ ഫ്‌ളാറ്റില്‍ നിന്ന്കഞ്ചാവ്പിടികൂടിയതും കഴുത്തിലണിഞ്ഞ പുലിപ്പല്ല് മാലക്കെതിരെ വനം വകുപ്പ് നടപടി സ്വീകരിച്ചതും മെല്ലാം വിവാദമായിരുന്നു. ചെറുതോണിയില്‍ നടക്കുന്ന എന്റെ കേരളം പ്രദര്‍ശന വിപണനമേളയില്‍ നാളെ വൈകിട്ട് വേടന്റെ റാപ്പ് ഷോ നടക്കും.