സംസ്ഥാനത്ത് ഏപ്രിൽ മാസത്തെ റേഷൻ വിതരണം നീട്ടി. ഏപ്രിൽ മാസത്തെ റേഷൻ വിതരണം 2024 മേയ് മൂന്നാം തീയതിവരെ (വെള്ളിയാഴ്ച) ദീർഘിപ്പിച്ചതായി പൊതുവിതരണ ഉപഭോക്തൃകാര്യ കമ്മീഷണർ അറിയിച്ചു. മുൻ മാസങ്ങളിലും റേഷൻ വിതരണത്തിൽ തീയതി നീട്ടി നൽകിയിരുന്നു.

മേയ് മാസത്തെ റേഷൻ വിതരണം 06.05.2024 (തിങ്കളാഴ്ച) മുതൽ ആരംഭിക്കുമെന്ന് അധികൃതർ അറിയിച്ചു. കൂടാതെ ഏപ്രിൽ മാസത്തെ വിതരണത്തിന് ശേഷം മേയ് 4 (ശനി), 5 (ഞായർ) തീയതികളിൽ റേഷൻ കടകൾക്ക് അവധിയായിരിക്കുമെന്ന് ഉപഭോക്തൃകാര്യ കമ്മീഷണർ വ്യക്തമാക്കി.“`