അണക്കെട്ടിൽ തുലാവർഷം മഴയിൽ ജലനിരപ്പ് ഉയർന്നു. 55 അടി സംഭരണശേഷിയുള്ള പോത്തുണ്ടിയിൽ 24 അടി ജലമാണ് നിലവിലുള്ളത്. ഇത് 20 ദിവസം തുടർച്ചയായി വെള്ളം വിട്ടു നൽകാൻ മാത്രമേ തികയുകയുള്ളൂവെന്ന് ജലസേചന വകുപ്പ് മുന്നറിയിപ്പ് നൽകുന്നു. വരും ദിവസങ്ങളിലും മഴ മുന്നറിയിപ്പ് ഉള്ളതിനാൽ തുലാവർഷം ശക്തിപ്പെട്ട് കൂടുതൽ ജലം സംഭരിക്കാൻ കഴിഞ്ഞാൽ ഇടവേളകൾ കൂട്ടി കൂടുതൽ ദിവസം ജലസേചനം നടത്താമെന്നും, ഇടമഴയും കൂടി ലഭിക്കുമ്പോൾ രണ്ടാംവിള എടുക്കാൻ കഴിയുമെന്നുമാണ് കർഷകരുടെ പ്രതീക്ഷ.