ജോജി തോമസ്

നെല്ലിയാമ്പതിയിൽ മരം കടപുഴകി റോഡിലേക്ക് വീണു. ഒരു മണിക്കൂർ ഗതാഗത തടസ്സപ്പെട്ടു. വൈദ്യുതി ലൈനിന് മുകളിലൂടെ വീണതിനെത്തുടർന്ന് കമ്പികൾ പൊട്ടി വൈദ്യുതി വിതരണവും തടസ്സപ്പെട്ടു. കൈകാട്ടി സഹകരണ ബാങ്കിനു സമീപമുള്ള സിൽവർ ഓക്ക് മരമാണ് കടപുഴകി വീണത്. നിരവധി വിനോദസഞ്ചാരികളും, യാത്രക്കാരും വഴിയിൽ കുടുങ്ങി. പൊതുപ്രവർത്തകനായ പി. ഒ ജോസഫിന്റെ നേതൃത്വത്തിൽ പ്രദേശവാസികളുടെ സഹായത്തോടെ മരം മുറിച്ചുമാറ്റി ഗതാഗതം പുനസ്ഥാപിച്ചു. വിവരമറിഞ്ഞ് നെല്ലിയാമ്പതി വില്ലേജ് ഓഫീസർ സതീശൻ, ഡെപ്യൂട്ടി റെയിഞ്ച് ഫോറസ്റ്റ് ഓഫീസർ ജയചന്ദ്രൻ, ജീവനക്കാരായ അഭിലാഷ്, പ്രമോദ്, ശ്രീജിത്ത് ഗതാഗതം പുനസ്ഥാപിക്കാൻ നേതൃത്വം നൽകി. കെ.എസ്. ഇ. ബി ജീവനക്കാർ സ്ഥലത്തെത്തി വൈദ്യുതി ലൈൻ പുനഃസ്ഥാപിച്ചു.