മലപ്പുറം തിരൂരിനടുത്ത് വൈലത്തൂർചിലവില്‍ റിമോട്ട് കണ്‍ട്രോളർ ഗേറ്റില്‍ കുടുങ്ങി 9 വയസ്സുകാരന് ദാരുണാന്ത്യം. വൈലത്തൂര്‍ ചിലവില്‍ സ്വദേശി അബ്ദുള്‍ ഗഫൂറിന്റെ മകൻ മുഹമ്മദ് സിനാന്‍ (9) ആണ് മരിച്ചത്. ഇന്ന് വൈകീട്ട് നാലുമണിക്കാണ് സംഭവം. പള്ളിയില്‍ നിസ്‌കാരത്തിനായി പോകുമ്പോള്‍ അയല്‍പക്കത്തെ റിമോട്ട് കണ്‍ട്രോളർ ഗേറ്റ് തുറന്ന് അടക്കുമ്പോള്‍ ഗേറ്റിനുള്ളില്‍കുടുങ്ങുകയായിരുന്നു. പരിക്കേറ്റ കുട്ടിയെ കോട്ടക്കല്‍ സ്വകാര്യആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. അപകടം നടന്ന വീട്ടില്‍ ആരും ഉണ്ടായിരുന്നില്ല.