കാലവർഷക്കെടുതിയിൽ കൃഷിനാശം സംഭവിച്ച നെൽ കർഷകർക്ക് സൗജന്യ നിരക്കിൽ നെൽവിത്ത് വിതരണം ചെയ്‌തു. നെന്മാറ കൃഷി ഭവൻ പരിധിയിലെ 19 പാടശേഖര സമിതികൾക്കാണ് നെൽവിത്ത് വിതരണം ചെയ്ത‌ത്. കാലം തെറ്റി പെയ്യ മഴയിൽ 450 ഏക്കർ സ്ഥലത്തെ നെൽകൃഷിയും ഞാറ്റടിയുമാണ് വെള്ളക്കെട്ട് മൂലം നശിച്ചുപോയത്. ഇവർക്ക് സർക്കാരിന്റെ പ്രകൃതിക്ഷോഭ ദുരിതാശ്വാസ നിധിയിൽ നിന്നുള്ള തുകയിൽ നിന്നാണ് 9990 കിലോ നെൽവിത്ത് നൽകിയത്. സംയുക്ത്‌ത പാടശേഖര സമിതി പ്രസിഡന്റ് കെ. പങ്കജാക്ഷൻ അദ്ധ്യക്ഷത വഹിച്ചു. നെന്മാറ ഗ്രാമപഞ്ചായത്ത് പ്രസിഡന്റ് പ്രബിത ജയൻ വിത്ത് വിതരണം ഉദ്ഘടാനം ചെയ്തു. കൃഷി ഓഫീസർ വി. അരുണിമ, അസിസ്റ്റൻറ് കൃഷി ഓഫീസർ സി. സന്തോഷ്, കൃഷി അസിസ്റ്റന്റ് വി. ലിഗിത, പാടശേഖരസമിതി പ്രതിനിധികളായ എം. രാമൻകുട്ടി, കെ. എൻ. പൊന്നു, എൻ. ചന്ദ്രൻ, ഡി. ഷണ്മുഖൻ, കെ. സുദേവൻ എന്നിവർ പ്രസംഗിച്ചു.