ചിറ്റിലഞ്ചേരി ജപമാല റാണി ദേവാലയത്തിൽ പരിശുദ്ധ ജപമാല റാണിയുടെയും വിശുദ്ധ സെബസ്ത്യാനോസിന്റെയും തിരുനാളിന് ഇന്ന് കൊടിയേറും. വൈകീട്ട് 5 ന് വടക്കഞ്ചേരി ലൂർദ് മാതാ ഫൊറോന വികാരി ഫാ. റെജി പെരുമ്പിള്ളി കൊടിയേറ്റ് കർമ്മം നിർവഹിക്കും. തുടർന്ന് ആഘോഷമായ വിശുദ്ധ കുർബാനയും ജപമാലയും ലദീഞ്ഞും ഉണ്ടായിരിക്കും. ഒക്ടോബർ 16 മുതൽ ഒക്ടോബർ 27 വരെ എല്ലാ ദിവസവും വിശുദ്ധ കുർബാനയും ജപമാലയും ലദീഞ്ഞും വൈകിട്ട് 5.30 ന് ഉണ്ടായിരിക്കും. ഒക്ടോബർ 26 ശനിയാഴ്ച എല്ലാ വീടുകളിലേക്കും ജപമാല പ്രയാണം യൂണിറ്റുകളുടെ നേതൃത്വത്തിൽ നടത്തപെടുന്നു. അന്ന് വൈകീട്ട് 3 ന് ജപമാല പ്രദക്ഷിണം ഗോമതി കുരിശ് പള്ളിയിൽ നിന്ന് പള്ളിയിലേക്ക് ഉണ്ടായിരിക്കും. തുടർന്ന് നടക്കുന്ന ആഘോഷമായ വി. കുർബാനയ്ക്ക് പാലക്കാട്‌ രൂപതയുടെ സാമൂഹ്യ സേവന വിഭാഗമായ പി.എസ്.എസ്.പി. ഡയറക്ടർ ഫാ. ജസ്റ്റിൻ കോലംകണ്ണി മുഖ്യ കർമികത്വം വഹിക്കും. . അന്ന് വൈകിട്ട് 7 ന് നടക്കുന്ന ഇടവക ദിനാഘോഷം മേലാർകോട് ഫെറോന വികാരി ഫാ. സേവ്യർ വളയത്തിൽ ഉദ്ഘാടനം ചെയ്യും. പ്രധാന തിരുനാളായ 27ന് വൈകീട്ട് 3 ന് നടക്കുന്ന ആഘോഷമായ തിരുനാൾ കുർബാനയ്ക്ക് മംഗലപ്പുഴ സെമിനാരി പ്രൊഫസർ ഫാ. ജോർജ് നരിക്കുഴിയിൽ മുഖ്യകാർമികത്വം വഹിക്കും. തുടർന്ന് ആഘോഷമായ തിരുന്നാൾ പ്രദക്ഷിണവും ഉണ്ടായിരിക്കും. 28ന് രാവിലെ 6.30 ന് മരിച്ചവർക്ക് വേണ്ടിയുള്ള വി. കുർബാനയോടെ തിരുന്നാളിന് സമാപനമാകും. വികാരി ഫാദർ ജോബിൻ മേലമുറിയിൽ, കൈക്കാരന്‍മാർ മാത്യു കാപ്പിൽ, ബേബി ആരിശ്ശേരിൽ, കൺവീനർമാർ സ്റ്റാൻലി കുരുതുകുളങ്ങര, അഗസ്റ്റിൻ മഞ്ഞളി, ടെസി ആലക്കാപറമ്പിൽ തുടങ്ങിയവർ തിരുന്നാളിന് നേതൃത്വം നൽകും.