വടക്കഞ്ചേരി: മംഗലംഡാമില്‍ നിന്നുള്ള മെയിൻ കനാലുകള്‍ വൃത്തിയാക്കാൻ ഇറിഗേഷൻ വകുപ്പിന്‍റെ അടിയന്തര ഇടപെടല്‍. ദിവസങ്ങള്‍ക്കുള്ളില്‍ ടെൻഡര്‍ നടപടികള്‍ പൂര്‍ത്തിയാക്കി കരാറുകാരനെ കണ്ടെത്തി കനാല്‍ വൃത്തിയാക്കല്‍ തുടങ്ങി. മംഗലംഡാമില്‍നിന്നുള്ള ഇടതുകര മെയിൻ കനാലില്‍ ഇന്നലെ അഞ്ച് ജെസിബിയാണ് കനാല്‍ വൃത്തിയാക്കാൻ ഇറക്കിയത്. കൃഷി ഉണക്കത്തിലായിട്ടും കനാല്‍ വൃത്തിയാക്കി പാടശേഖരങ്ങളില്‍ വെള്ളം എത്തിക്കാൻ ഇറിഗേഷൻ വകുപ്പ് അലംഭാവം കാണിക്കുന്നതിനെതിരെ കര്‍ഷകരില്‍നിന്നു കഴിഞ്ഞ ദിവസങ്ങളിലായി വലിയ വിമര്‍ശനമുയര്‍ന്നിരുന്നു. ഫണ്ടില്ലെന്ന കാരണത്താലായിരുന്നു ഈ ഒഴിഞ്ഞുമാറല്‍. രണ്ടാംവിള നെല്‍കൃഷിക്കാണ് സാധാരണ കനാല്‍ വൃത്തിയാക്കല്‍ നടത്തുക. […]

നെന്മാറ: അകമ്പാടം വടക്കേത്തല വീട്ടിൽ മർത്ത ജോസ് (71) അന്തരിച്ചു. ഭർത്താവ്: വടക്കേത്തല ജോസ്. മക്കൾ: ഷീജ (പ്രധാനാധ്യാപിക, പാടഗിരി സ്കൂൾ), സജീഷ് (ബഹ്റിൻ)മരുമക്കൾ: ഡോ.തോമസ് ആന്റണി (സെന്റ് ജോസഫ് ആശുപത്രി, വള്ളിയോട്), അബിത (അധ്യാപിക,ബത് ലഹേം സ്കൂൾ, പേഴുംപാറ). സംസ്ക്കാരം ശനിയാഴ്ച വൈകീട്ട് നാലിന് പോത്തുണ്ടി ഗുഡ് ഷെപ്പേഡ് പള്ളിയിൽ.

നെന്മാറ: ഫെറോന തലത്തിൽ നടക്കുന്ന മാതൃവേദിയുടെ ഉണർവ്വ് പൊതുസമ്മേളന പരിപാടി നെന്മാറ ക്രിസ്തുരാജ ദേവാലയത്തിൽ ശനിയാഴ്ച നടക്കും. വികാരി ഫാദർ അഡ്വ. റെജി മാത്യു പെരുമ്പിള്ളിൽ സമ്മേളനം ഉദ്ഘാടനം ചെയ്യും. രാവിലെ 9.30 ന് തുടങ്ങുന്ന പരിപാടിയിൽ മേരിക്കുട്ടി ജോർജ് അധ്യക്ഷത വഹിക്കും. അഡ്വ. ജസ്റ്റിൻ പള്ളിവാതുക്കൽ, ബാബു (പി എസ് എസ് പി ) സെമിനാർ നടത്തും.

തിരൂർ: കേരള ജേർണലിസ്റ്റ് യൂണിയൻ (കെ.ജെ.യു) മലപ്പുറം ജില്ല സമ്മേളനം ശനിയാഴ്ച തിരൂർ തുഞ്ചൻ പറമ്പിൽ നടക്കും. രാവിലെ 10ന് ആരംഭിക്കുന്ന ജില്ല സമ്മേളനം ഇന്ത്യൻ ജേർണലിസ്റ്റ് യൂണിയൻ ( ഐ.ജെ.യു) ദേശീയ വൈസ് പ്രസിഡന്റ് ജി. പ്രഭാകരൻ ഉദ്ഘാടനം ചെയ്യും. സമ്മേളനത്തിൽ ദേശീയ, സംസ്ഥാന ഭാരവാഹികൾ പങ്കെടുക്കും. സമ്മേളനത്തിൽ പുതിയ ജില്ല ഭാരവാഹി തെരഞ്ഞെടുപ്പും നടക്കും. വാർത്ത സമ്മേളനത്തിൽ ഐ.ജെ.യു അംഗം പി.കെ രതീഷ്, കെ.ജെ.യു സംസ്ഥാന കമ്മിറ്റി അംഗം എ.പി ഷഫീഖ്, വിനോദ് തലപ്പള്ളി, […]

നെമ്മാറ: റബറിന് സര്‍ക്കാര്‍ പ്രഖ്യാപിച്ച താങ്ങുവിലയായ 170 രൂപ കര്‍ഷകനെ ലഭിച്ചിട്ട് ഒരു വര്‍ഷത്തിലേറെയായി. റബര്‍ ബോര്‍ഡ് മുഖേനയാണ് താങ്ങുവില കര്‍ഷകന് നല്കിയിരുന്നത്. റബര്‍ ബോര്‍ഡ് അതാതു മാസം നിശ്ചയിക്കുന്ന വിപണി വിലയും സര്‍ക്കാര്‍ പ്രഖ്യാപിച്ച 170 രൂപ എന്ന താങ്ങുവിലയും തമ്മിലുള്ള വ്യത്യാസ തുക ഇൻസെന്‍റീവായി റബര്‍ കര്‍ഷകര്‍ക്ക് നല്കിയിരുന്നതായിരുന്നു രീതി. ഇപ്പോഴത്തെ വിപണി വിലയായ 142 രൂപ പ്രകാരം കര്‍ഷകര്‍ക്ക് 28 രൂപ നിരക്കില്‍ താങ്ങുവില ലഭിക്കേണ്ടതാണ്. കര്‍ഷകര്‍ പ്രാദേശിക വിപണിയില്‍ വില്പ്പന നടത്തിയ […]

ആലത്തൂർ:തമിഴ്നാട് നാഗർകോവിലിൽ ഫുട്ബോൾ ടർഫ് നിർമാണത്തിനിടെ ലാഡറിൽ നിന്ന് വീണ് കുനിശ്ശേരി സ്വദേശിയായ യുവാവ് മരിച്ചു. കുനിശ്ശേരി ആനയ്ക്കാംപറമ്പ് ഏഷ്യാനെറ്റ് വാസുദേവൻ്റെ മകൻ അരുൺ (22) ആണ് മരിച്ചത്.ഇന്നലെ ഉച്ചയ്ക്ക് ഭക്ഷണം കഴിക്കാനായി 30 അടിയോളം ഉയരത്തിലുള്ള ലാഡറിൽ നിന്ന് ഇറങ്ങുന്നതിനിടെ കാറ്റ് വീശി താഴേക്ക് പതിക്കുകയായിരുന്നു. തോണിപ്പാടം സ്വദേശി ദീപകനും ഗുരുതരമായി പരിക്കേറ്റിട്ടുണ്ട്. ഇയാളെ കോയമ്പത്തൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. മറ്റുള്ളവർക്ക് സാരമായുള്ള പരിക്കില്ല. അരുണിൻ്റെ സംസ്കാരം ഇന്ന് രാവിലെ എട്ടിന് എരിമയൂർ പഞ്ചായത്ത് ശ്മശാനത്തിൽ […]