അടൂര്‍ ഏനാത്തില്‍ ഏഴ് വയസുകാരനെ കൊലപ്പെടുത്തിയ ശേഷം പിതാവ് തൂങ്ങി മരിച്ചു. തട്ടാരുപടി-കൊട്ടാരം അമ്പലം റോഡിന് സമീപം താമസിക്കുന്ന മാത്യു പി.അലക്സാണ് (ലിറ്റിന്‍ 45) മകനെ കൊലപ്പെടുത്തിയത്.കുട്ടിയെ വിഷം കൊടുത്തോ കഴുത്തില്‍ കയര്‍ മുറുക്കിയോ ആണ് കൊലപ്പെടുത്തിയതെന്ന് പൊലീസ് സംശയിക്കുന്നു. ഇന്നലെ രാത്രിയാണ് സംഭവം. മാത്യുവിന്റെ ഭാര്യ വിദേശത്ത് ജോലി ചെയ്യുകയാണ്.
രണ്ടു മക്കളും മാത്യുവും മാത്രമാണ് വീട്ടില്‍ താമസം. ഇളയ മകന്‍ ഇന്ന് പുലര്‍ച്ചെ മൃതദേഹം കണ്ടതിന് ശേഷം സമീപവാസികളെ വിവരം അറിയിക്കുകയായിരുന്നു. ഏനാത്ത് പൊലീസ് സ്ഥലത്ത് വന്ന് മേല്‍നടപടി സ്വീകരിച്ചു. മാത്യു മദ്യപാനിയാണെന്നും മദ്യലഹരിയിലാകാം കൊലപാതകമെന്നുമാണ് പൊലീസിന്റെ പ്രാഥമിക നിഗമനം.