യൂത്ത് കോണ്ഗ്രസ്  അധ്യക്ഷ സ്ഥാനം രാജിവച്ചിട്ടില്ലെന്ന് രാഹുൽ മാങ്കൂട്ടത്തില്‍ എംഎൽ‌എ. നിയമവിരുദ്ധമായി യാതൊന്നും ചെയ്തിട്ടില്ല. യുവനടി സുഹൃത്താണ്. അവർ എന്നെ പറ്റിയാണ് പറഞ്ഞതെന്ന് വിചാരിക്കുന്നില്ല. എൻ്റെ പേര് നടി പറഞ്ഞിട്ടില്ല. നിയമ സംവിധാനത്തിൽ വിശ്വസിക്കുന്നുവെന്നും അടൂരിലെ വീട്ടിൽ മാധ്യമ പ്രവര്‍ത്തകരോട് രാഹുൽ മാങ്കൂട്ടത്തിൽപറഞ്ഞു. ഗർഭഛിദ്രം നടത്താൻ താൻ ഇടപെട്ടുവെന്ന് ആരും പരാതി പറഞ്ഞിട്ടില്ല. പരാതി വന്നാൽ നിയമപരമായി നേരിടും. ഓഡിയോ സന്ദേശം വ്യാജമായി നിർമിക്കുന്ന കാലമാണ്. ആർക്കും പരാതി ഉന്നയിക്കാം. പരാതി ഉന്നയിക്കുന്നവർ അത് തെളിയിക്കണം.