നെല്ലിയാമ്പതി ചുരം റോഡിൽ ചാഞ്ഞു നിൽക്കുന്നതും അപകട ഭീഷണി ഉയർത്തി നിൽക്കുന്നതുമായ മരങ്ങൾ വെട്ടി മാറ്റണമെന്ന് നാഷണൽ ജനതാദൾ നെല്ലിയാമ്പതി യൂണിറ്റ് ജില്ലാ കളക്ടർക്ക് നിവേദനം നൽകി. നെല്ലിയാമ്പതിയിൽ ജോലി ചെയ്യുന്നവരുടെയും, വിദ്യാർത്ഥികളുടെയും, ആശുപത്രിയാത്ര എന്നിവയുടെ സൗകര്യാർത്ഥം ഇക്കാര്യത്തിൽ അടിയന്തര നടപടി വേണമെന്ന് നാഷണൽ ജനതാദൾ നെല്ലിയാമ്പതി യൂണിറ്റ് സെക്രട്ടറി വി. എസ്. പ്രസാദ് ആവശ്യപ്പെട്ടു.

നിലമ്പൂർ ഉപതെരഞ്ഞെടുപ്പിൽ വിജയിച്ച ആര്യാടൻ ഷൗക്കത്ത് 27ന് എംഎൽഎയായി സത്യപ്രതിജ്ഞ ചെയ്യും. വൈകുന്നേരം മൂന്നരയ്ക്ക് നിയമസഭാ മന്ദിരത്തിലെ ശങ്കരനാരായണൻ തമ്പി ഹാളിൽ നടത്തുന്ന ചടങ്ങിൽ സ്പീക്കർ എ.എൻ.ഷംസീർ സത്യവാചകം ചൊല്ലിക്കൊടുക്കും. 11,077 വോട്ടിൻ്റെ ഭൂരിപക്ഷത്തിലാണ് ആര്യാടൻ ഷൗക്കത്ത് യുഡിഎഫിനായി മണ്ഡലം തിരിച്ചുപിടിച്ചത്. ആകെ പോൾ ചെയ്‌ത വോട്ടുകളിൽ 44.17ശ തമാനം വോട്ട് ആര്യാടൻ ഷൗക്കത്ത് നേടിയിരുന്നു. 77737 വോട്ടാണ് ആര്യാടൻ ഷൗക്കത്ത് സ്വന്തമാക്കിയത്. എം.സ്വരാജിന് 66660 വോട്ടും പി.വി.അൻവർ 19760 വോട്ടും എൻഡിഎ സ്ഥാനാർഥി മോഹൻ ജോർജ് […]

നിലമ്പൂർ ഉപതിരഞ്ഞെടുപ്പിൽ ഭരണവിരുദ്ധ വികാരം ഉൾപ്പെടെ തോൽവിക്കു കാരണമായെന്നും ഇതുൾപ്പെടെ പാർട്ടി പരിശോധിക്കുമെന്നും സിപിഐ സംസ്ഥാന സെക്രട്ടറി ബിനോയ് വിശ്വം. തിരഞ്ഞെടുപ്പിൽ ഭരണവിരുദ്ധ വികാരം ഉണ്ടായിട്ടില്ലെന്ന സിപിഎം നിലപാട് തള്ളിയാണ് ബിനോയ് വിശ്വത്തിന്റെ പ്രതികരണം.

ഇന്ത്യൻ ബഹിരാകാശ യാത്രികൻ ശുഭാംശു ശുക്ല ഉൾപ്പെട്ട ആക്സിയം-4 ദൗത്യം വിക്ഷേപിച്ചു.ഫ്ലോറിഡയിൽ നാസയുടെ കെന്നഡി സ്പേസ് സെൻ്ററിൽനിന്ന് ഇന്ത്യൻ സമയം ഉച്ചയ്ക്കു 12:01 നായിരുന്നു വിക്ഷേപണം. യുഎസിനെക്കൂടാതെ ഹംഗറി, പോളണ്ട് എന്നിവിടങ്ങളിൽനിന്നുള്ള ബഹിരാകാശ യാത്രികരുമുണ്ട്.വ്യാഴാഴ്ച ഇന്ത്യൻ സമയം വൈകിട്ട് 4.30നു രാജ്യാന്തര ബഹിരാകാശനിലയത്തിലെത്തും.