വധൂവരന്മാർക്കായി ഒരുക്കിയ കൂളറിനു മുൻപിൽ വരൻ്റെ കൂടെ വന്ന ചില പുരുഷന്മാർ ഇരുപ്പുറപ്പിച്ചു. ആ ഇരിപ്പിടങ്ങൾ വധൂവരന്മാർക്കായി ഒരുക്കിയതാണെന്നും അവിടെ നിന്നും മാറിയിരിക്കണമെന്നും വധുവിന്റെ കൂട്ടർ വരന്റെ കൂട്ടരെ അറിയിച്ചു. എന്നാൽ അവിടെ നിന്നു മാറിയിരിക്കാൻ വരന്റെ കൂട്ടർ തയാറായില്ല. തുടർന്ന് പ്രദേശവാസികളായ ഒരു കൂട്ടം ചെറുപ്പക്കാരും വരന്റെ കൂട്ടരോടൊപ്പം ചേർന്ന് തർക്കം കൊഴിപ്പിച്ചു. തർക്കത്തിനിടയിൽ പരസ്പ‌രം പോർവിളി നടത്തിയ ഇരുകൂട്ടരും കല്യാണപ്പന്തലിൽ അലങ്കരിച്ച കസേരകളും പാത്രങ്ങളുമെടുത്ത് പരസ്‌പരം ഏറുതുടങ്ങി. അങ്ങനെ മാംഗല്യം തധു നാനെ നാ..😀

ക്രിസ്തുരാജ ദേവാലയത്തിൽ ഇടവക ദിനവും പൊതുസമ്മേളനവും നടത്തി. വികാരി ജനറൽ മോൺ. റവ. ഫാ. ജീജോ ചാലയ്ക്കൽ ഉദ്ഘാടനം ചെയ്തു. വികാരി ഫാ. സെബാസ്റ്റ്യൻ താമരശ്ശേരി അധ്യക്ഷനായി. വിശുദ്ധ കുർബാനക്കു ശേഷം സമ്മാനദാനം, മുതിർന്നവരെ ആദരിക്കൽ, കലാപരിപാടികൾ തുടർന്ന് സ്നേഹ വിരുന്നും നടന്നു. സെന്റ്. റീത്താസ് കോൺവെന്റ് സുപ്പീരിയർ സിസ്റ്റർ ബീഡ് (സിഎംസി), പാസ്റ്ററൽ കൗൺസിൽ അംഗം ജീസൻ പതിയാൻ, കെ. എഫ്. ആൻറണി, കൈകാരന്മാർ ടോമി ഒളശയിൽ, ഷാജി കളമ്പാടൻ തുടങ്ങിയവർ സംസാരിച്ചു.

മഴ കിട്ടിയതോടെ പാടശേഖരങ്ങളിൽ നടീല്‍ പണികൾ സജീവമായി. നെന്മാറ, അയിലൂർ കൃഷിഭവനു കീഴിലെ പാടശേഖരങ്ങളിലാണ് ഇപ്പോള്‍ നടീല്‍ നടത്തുന്നത്. കഴിഞ്ഞ ദിവസങ്ങളില്‍ ലഭിച്ച നല്ല മഴയില്‍ വെള്ളം കെട്ടി നിര്‍ത്തി ഉഴുതു മറിച്ചാണ് കര്‍ഷകര്‍ നടീല്‍തുടങ്ങിയത്. തൊഴിലാളികളുടെ ക്ഷാമം മൂലം ഇത്തവണയും നടീല്‍ നടത്തുന്നതിന് ബംഗാളികളെയാണ് കര്‍ഷകര്‍ കൂടുതലും ആശ്രയിക്കുന്നത്. അയിലൂര്‍, കയ്പഞ്ചേരി, തിരുവഴിയാട് പാടശേഖരങ്ങളിൽ നടീല്‍ പണികൾക്കായി എത്തിയത് ബംഗാളിലെ പശ്ചിമ കല്‍കത്തയില്‍ നിന്നുള്ള 50 പേരടങ്ങുന്ന സംഘമാണ് നടീല്‍ പണികൾ നടത്തുന്നത്. പോക്കറ്റിൽ മൊബൈലിൽ […]

റബ്ബർ മേഖലയിൽ ടാപ്പിംഗ് തൊഴിലാളികളും കർഷകരും പ്രതിസന്ധിയിൽ. കടുത്ത ചൂടിനെ തുടർന്ന് ഫെബ്രുവരി അവസാനവും മാർച്ച് പകുതിയോടെയും നിർത്തിവെച്ച ടാപ്പിംഗ് പുനരാരംഭിക്കാത്തതുമൂലം തൊഴിൽ നഷ്ടപ്പെടുന്നതായി പരാതി. ശക്തമായ വേനൽ മഴയ്ക്ക് പിന്നാലെ കാലവർഷവും നേരത്തെ എത്തിയതോടെ ബഹുഭൂരിപക്ഷം തോട്ടങ്ങളിലും മഴമറ ( പ്ലാസ്റ്റിക് ഷെയ്ഡ്) സ്ഥാപിക്കാൻ കഴിഞ്ഞില്ല. ഇതുമൂലം മഴ ആരംഭിച്ചിട്ടും റബ്ബർ ടാപ്പിംഗ് ആരംഭിക്കാത്തതു മൂലം തൊഴിലാളികൾക്ക് തൊഴിലും ഉടമകൾക്ക് വരുമാനവും നഷ്ടമാകുന്നു. വേനൽ മഴയെ തുടർന്ന് കാലവർഷവും നേരത്തെ എത്തിയതോടെ റബ്ബർ മരങ്ങളിൽ പശ […]